في وقت كنت عم حاول أبني براندي بالتجارة الإلكترونية، فشلت. مو لأن المنتج سيء، ولا لأن السوق ما فيه فرص… بس لأن التسويق كان غلط. ومن هون، بدأت الحكاية. قررت أتعلم التسويق، مو بس كأداة لبيع المنتجات، بل كفن لفهم الناس، لحل مشاكلهم، ولصنع تجارب تغير مستقبل البراندات. ومع كل تجربة، زاد الشغف. ومع كل نتيجة حقيقية، قررت أبني شي مختلف. شركة تحترم عقل العميل، وماله، وطموحه. وهيك انولدت OMC.

ما كان سهل… بدأت لحالي، أقدم خدماتي مجانًا، بس لحتى أتعلم وأفهم وأقدّم شي بستحق يُدفع عليه. كنت رافض لكل شي مزيف: ما بوعد بنتائج وهمية، ما بستخدم كلمات براقة ما إلها معنى، وما بلعب على المشاعر لبيع الوهم. بنينا شغلنا على الصدق، الواقعية، الأمانة، والأهم: احترام العميل. ومن يومها، ولأكتر من 4 سنين، OMC عم تشتغل بعمق داخل السوق الرقمي، وعم تبني تجارب تسويقية فعّالة لبراندات من كل الأحجام. نحنا مو بس فريق تسويق… نحنا شُركاء نمو.

كل عميل منشتغل معه كأنو المشروع مشروعنا. ما في “نظام جاهز” منطبقه على الكل… فيه استماع، دراسة، بناء على القياس، وهدف واضح: نحقق نتائج حقيقية، مستدامة، وملموسة. نجحنا ننقل براندات من بدايات بسيطة، لقصص نجاح بتتذكرها السوق. والسبب؟ لأن OMC فيها فريق بيفكر، بيبدع، وبيكسر القوالب التقليدية كل يوم. وإذا في شغلة وحدة لازم تُعرف عنا: OMC ما اجت تبيع خدمات… OMC اجت تعيد تعريف معنى “وكالة تسويق.